حكاية تأييدي لحمدين - حكاية يمكن تكون مختلفة

لمّا لقيت كله بيحكي ويطلع فيديوهات ومقالات عن تأيده لحمدين صباحي قلت أشمعنا أنا ؟ :) .. مع أني بأيده من زمان وكده ..
فمعلش تعالوا على نفسكم وأقروا .. واللي يشفعلي إني فضلت ساكت كل ده من غير ما اقول أنا بأيده ليه وأستنيت للأخر ..

 ....................................

قبل رمضان اللي فات بشوية قررت أخد قرار وأحدد مين اللي هرشحه في الأنتخابات ..

ولأن الوقت ضيق والمنافسة صعبة .. فقررت أني لازم أبتدي مع المرشح اللي هختاره من الأول خالص وأنضم لحملته عشان أقدر أساعد في دعمه لأن صوتي لوحده مش هينجحه ..

مسكت مرشح مرشح وفلّيت تاريخهم .. لحد ما وصلت لأخر واحد اللي هو حمدين صباحي ..

قلت لنفسي : " يا انا يانتا ياعم الحاج .. وحياة أمي لشوف نظامك ايه وتاريخك عامل أزاي "

وأخدتها تحدي وفضلت أدوّر على حاجة تخليني افكني منه وأريّح دماغي ..

 بس ما لقيتش ..

دخل علينا رمضان وأشتغلِت البرامج ونزلِت زي المطر فوق دماغنا ..

تابعت كل البرامج اللي طلع فيها .. إني ألاقي حاجة تدينه .. برضه ما لاقيتش ..

الله ؟؟

جه ميعاد حلقة (الشعب يريد) بتاعت طوني خليفة ..

قولت هو ده بقى اللي هيزنقه في كام سؤال ..

برضه ماعرفش يمسك عليه حاجة ..

روحت اجتماع لحملته وقولت أشوف أخرتها مع الراجل ده وبالمرة افهم يعني إيه ناصري وقومي اللي بيقولوا عليها دي ..

روحت .. وسمعت .. وسألت ..

ولاقيت ما فيش مفر مني إني لازم أرشح الراجل ده ..

بس قولت أستنى وما أخُدش قراري غير لما نشوف مواقفه في كل مصيبة بتحصل .. وكانت المصايب كتيرة ..

في محمد محمود .. موقفه مية مية ..

في مجلس الوزراء .. موقفه مية مية ..

في بورسعيد .. موقفه مية مية ..

برضه قولت ياواد ما تتسرعش وأتقل لما نشوف برنامجه الانتخابي وبعد كده قرر ..

برنامجه مهتم بالفقراء وفي نفس الوقت مش جاي على الأغنياء ..

والأهم من كده أن تاريخه ضمانة انه هينفذ البرنامج ..

المصداقية .. موجودة  ..

ودي نقطة مهمة جداً بالنسبالي ..

كل البرامج حاطة النهضة أساس ليها .. بس كام مرشح تاريخه بيقول انه قد كلامه ؟

بالأمانة ما لقيتش غير حمدين تاريخه يثبت أنه قد وعوده  ..

عشان كده أخترت حمدين .. وأخترت أني أكون جندي في حملته وسط شباب كتير مؤمنين بيه وما بيكسبوش ولا مليم من مساندتهم لييه بالعكس دول بيدفعوا من جيبهم ومن وقتهم وبيعتبروا إن ده استثمار في مستقبلهم  ..

معلش طولت عليكم .. بس دي من اللحظات اللي حسيت فيها إني فعلا اخترت صح - مش زي اغنية تامر حسني - وأخترت الأصلح ..

معادنا يوم 23 أو 24 ..

أستفتي قلبك وعقلك زييّ ..

وإن شاء الله هتلاقي نفسك أخترت حمدين صباحي ..

محمد العليمي

رسالة من الدماء

ما الذي يجعلك لا تتعاطف معي .. هل يهمك إن كنت قد خرجت دفاعاً عن شخص أو عن مبدأ ؟

هل هذا يفرق معك كثيرا ؟

إذن لماذا لم تفرق مع الموت هويتي  ؟

هل رأيتني وأنا مستلقي أرضاً أنزف دماً ؟

لم تراني ؟ أم لم ترغب في رؤيتي أم تعمدت ألا تراني ؟

لماذا أرى الشماتة على وجهك ؟ هل أنا عدو لك ؟ هل قتلت أحد من أخوتك أو من أصدقاءك ؟

أراك تصر على معرفة نيتي وسبب تظاهري واعتصامي .. وأستنجد بك فأجدك تصر على سؤالي عن هويتي قبل أن تنقذني ..

لا تريد أن تساعدني ؟ حسناً .. ولكن على الأقل تعاطف معي ولا تقتلني مرة أخرى بتشفّيك فيّ ..
لا تريد أن تتعاطف معي ؟

تريدني أن أحترم رغبتك ؟

كما تشأ يا أخي .. وسأخبر من يقتلني بأن ينجز عمله سريعاً ..

سأموت في هدوء حتى لا أزعجك ..

أسف على الإزعاج يا أخي .. ولا تقلق فلن أزعجك مرة أخرى ..

لن أزعجك ..

محمد العليمي